محمد فؤاد يهاجم محمد هنيدي: كرهت فيلم لأنه خلق حالة من الكراهية بين الأبطال
نشر: بتاريخ 2023/04/09المشاهدات:
89 مشاهدة
رد الفنان المصري محمد فؤاد على تصريحات منسوبة لمواطنه محمد هنيدي، حول الغيرة التي وجدها منه بعد نجاحه في فيلم “إسماعيلية رايح جاي”، معربا عن أسفه لسماع تلك التصريحات من هنيدي.
وقال فؤاد في تصريحات تلفزيونية: “انا مبغيرش من حد ومتوجدش اللي انا اغير منه، اغير من هنيدي ازاي واجيبه فيلم، انفسن منه ازاي وانا اللى جايبه معايا في فيلم اسماعيلية رايح جاي”.
وأضاف “اللي بيغير من صحابه ده يبقى عنده نقص. والله ما هاجمت محمد هنيدي، أنا كرهت فيلم إسماعيلية رايح جاي، لأنه خلق حالة من الكره بين الأبطال وفي الساحة الفنية كلها ولقيت فيه حروب نجوم”.
وتابع محمد فؤاد:”أي حد وصل لهنيدي اني بغير منه يبقى عبيط، اجيبك ازاي معايا في فيلم وانا اللى كاتب له يضحك الناس ازاي. انا بغير منه هو انا محتاج السينما علشان اغير منه، ايه الهبل اللي احنا فيه ده”.
وعاتب محمد هنيدي قائلاً: “اتقى الله يا هنيدي عيب عليك متسوقش لإني انا بغير منك هو انا جايبك فيلم معايا علشان تفشل وفرجة للناس ومتشتغلش تاني انا جيبتك علشان تنجح وتشرفني وتعمل فيلم بطولة لوحدة”.
وأعرب عن محبته لهنيدي، وقال : “قسما برب العزة انا بحب هنيدي ولا عمري ما اعرف اغير منه عنده ايه مش عندي، انا فتحتلك طريق وقبلها كنت بتعمل مشهدين وشيلت من كلامي علشان اوسع له الدور”.
وواصل فؤاد حديثه “اسألو احمد حلمي اشتغل معايا في رحلة حب، وعمري ما زعلته لا جوا الفيلم ولا بره الفيلم وهو قاللي والله لو اخويا مش هيعمل معايا زي اللى انت عملته”.
وأشار محمد فؤاد إلى أن منتجي الفيلم أفلسوا أثناء تصويره، وأكمل هو دفع المصاريف حتى يتم إنجازه، ورغم ذلك، فإنه لم يحصل سوى على 60 ألف جنيه مصري.
وختم حديثه بالقول: “يطلع منك يا هنيدي وتعطي ايحاء اني بغير منك يا راجل راعي العيش والملح وتعبي معاك في الفيلم ده انا كنت بصحيك من النوم علشان تيجي تمثل وابتديت تلتزم علشان انا زعلان منك لإني كنت بدفع من جيبي ومش انا المنتج”.